‘Los Blancos’ do të duhet që në pjesën më të madhe të muajit janar të mos llogarisin në shërbimet e yllit të tyre, Gareth Bale.

Uellsiani është detyruar të lë fushën në barazimin 2:2 të Real Madridit në udhëtim te Villarreal ditën e enjte.

Në rezultatet e para të testeve të bëra, thuhet se Bale vuan nga një dëmtim i muskujve të klasës së parë në këmbën e majtë.

Edhe pse Real Madrid nuk jep ndonjë periudhë të mungesës së tij, mediet në Spanjë raportojnë se Bale do të mbetet jashtë fushave deri në dy javë.

Ndeshjet në të cilat do të mungojë Bale janë ato kundër Real Sociedad në shtëpi dhe Real Betisit në udhëtim./Lajmi.net/