Ja në stadiumin e cilit ekip do të stërvitet Përfaqësuesja e Kosovës
Përfaqësuesja e Kosovës përgatitjet për ndeshjen me Kroacinë, do t’i zhvillojë në Drenas.
Sport
Stadiumi i Feronikelit, ‘Rexhep Rexhepi’, do të jetë shtëpia e djemve të Përfaqësueses së Kosovës, për përgatitjet me ndeshjen me Kroacinë.
Kosova luan me Kroacinë më 6 tetor, në ndeshjen kualifikuese për Kampionatin Botëror.
“Përfaqësuesja e Kosovës në futboll me 3 dhe 4 tetor do të zbarkoj fillimisht në Drenas, për ta marrë bekimin e kampionit të Kosovës, për suksese në eliminatoret e botrorit “Rusia-2018”
Përfaqësueseja e Kosovës ka zgjedh stadiumin “Rexhep Rexhepi” në Drenas, për tubimin e parë para ndeshjes me Kroacinë që luhet me 6-të tetor 2016, në stadiumin “Loro Boriçi” në Shkodrë.
Kosova do ti zhvilloj dy stërvitje në “Rexhep Rexhepi” të parën me 3 tetor nga ora 15:00 dhe të dytën me 4 tetor nga ora 10:00.
FFK më këtë rast i ka bërë nderë qytetit të Drenasit dhe klubit të futbollit Feronikeli, duke sjellur yjet e futbollit në qytetin tonë në stadiumin “Rexhep Rexhepi””, thuhet në njoftimin e bërë nga Feronikeli, përcjell Lajmi.net.