Në një prononcim të shkurtër pas votimit Meta pasi uroi për ditën e Fitër Bajramit, u bëri thirrje shqiptarëve të mos votojnë ata që kërkojnë të blejnë të ardhmen e tyre.

“Në këtë ditë më lejoni tu uroj gjithë besimtarëve pas një muaji gjithë sakrifica zoti ua pranoftë agjërimin.

Sot është një ditë shumë e rëndësishme për të gjithë, që duhet të jetë festa e demokracisë për vendin, dita e qytetarëve dhe jo e politikanëve, duhet të jenë ata që duhet të dëgjohen dhe të vendosin.

Kam një mesazh që ata duhet të votojnë kundër kujtdo që bën presion për votën e tyre, kujtdo që ble të ardhmen e tyre

E ardhmja e fëmijëve të tyre është e shenjtë për ta në këtë ditë.

Shqiptarët duhet të dënojnë arta që dërgojnë sekserë që kërkojnë të blejnë të ardhmen e tyre”, tha Meta./Gazeta Express