Haxhi Krasniqi e rrah ukrainasin, fiton dy tituj
Haxhi Krasniqi e ka mposhtur ukrainasin Oleksandr Cherviak, duke i fituar dy tituj të rëndësishë në kategorinë gjysmë të rëndë: WBO International dhe WBA Continental.
Sport
Haxhi Krasniqi nuk ka lejuar befasi, duke i gëzuar të gjithë shqiptarët. Boksieri shqiptar e ka mbrojtur titullin e kampionit botëror në kategorinë gjysmë të rëndë, versioni WBO International.
Përpos këtij titulli, boksieri nga Juniku e fitoi edhe titullin WBA Continental, pasi e mposhti sonte ukrainasin Oleksandr Cherviak, në meçin e zhvilluar në palestrën “Anhalt Arena” të qytetit gjerman Dessau.
Krasniqit, i cili ka nënshtetësi gjermane, iu nevojitën 12 runde, për ta mposhtur kundërshtarin, në një meç të cilin e dominoi.
Gjyqtarët ishin ata që e vlerësuan meçin e boksierit kosovar, duke ia dhuruar atij fitoren.
Krasniqit iu hap rruga për të luftuar për titull të kampionit botëror. Ai e shpalosi flamurin kombëtar, të Kosovës dhe atë të Gjermanisë.