Selektori i Francës, Didier Deschamps ka shprehur përkrahjen e tij për mesfushorin Franck Ribery, në kandidaturën e tij për Topin e Artë 2013.

Ylli i Trekolorëve është një prej favoritëve për çmimin e futbollistit më të mirë të vitit në botë së bashku me Cristiano Ronaldon, mirëpo në rrethin e ngushtë besohet se do të jetë edhe Lionel Messi.

Dhe, Deschamps beson se mesfushori i Bayern Munichut meriton të shpallet më i miri.

“Ka edhe futbollistë të tjerë të mëdhenj por për vitin 2013 më i miri është Franck Ribery”, deklaroi Deschamps për të përditshmen sportive franceze L’Equipe.

Ribery shijoi një stinor të jashtëzakonshëm me Bayern Munichun duke fituar Bundesligën, Ligën e Kampionëve dhe Kupën e Gjermanisë.