Chiellini: Pas CR7, ky është sulmuesi më i fortë me të cilin jam përballur
Kapiteni i Juventusit, Giorgio Chiellini, ka emëruar sulmuesin e Interit, Mauro Icardi, si kundërshtarin e dytë më të fortë me të cilin është përballur.
Sport
Chiellini, që është një nga pikat më të forta te Juventusit, ka folur për kundërshtarët më të fortë në zonë me të cilët është përballur.
Pas Cristiano Ronaldos, të cilin këtë vit e ka shok skuadre, reprezentuesi italian ka thënë se Icardi është lojtari i dytë më i fortë në zonë që ka pasur për kundërshtar.
Të dy këta janë takuar të premten e javës së kaluar në ‘Allianz Stadium’, me Juventusin që mposhti 1:0 Interin falë një goli të kroatit Mario Mandzukic.
“Sipas mendimit tim, Icardi është sulmuesi i dytë më i mirë në zonë të cilin e kam markuar”, ka deklaruar Chiellini për DAZN, përcjell ‘lajmi.net’.
“Kur luani me të, duhet të jeni të përqendruar gjatë gjithë kohës. Unë e kam takuar vetëm një më të rrezikshëm se ai, dhe ai (Cristiano Ronaldo) këtë vit po luan me mua”./Lajmi.net/