Albert Bunjaku është i bindur se Përfaqësuesja e Kosovës ka të ardhme të ndritshme, përkundër faktit se dështoi ta gjente fitoren në tri ndeshjet e para, pasi e mori lejen nga FIFA.

Sulmuesi i Kaiserslauternit e shënoi golin e vetëm të Kosovës në humbjen 3:1 nga Senegali, ndërsa kishte shënuar edhe në humbjen 6:1 nga Turqia.

“Kualiteti ynë ishte pak më i mirë sesa ai në ndeshjen me Turqinë. Kemi udhëhequr 1:0, por ai goli para pauzës na prishi lojën. Humbëm përsëri, duhet të shikojmë përpara, jemi ende në fillim. Ma merr mendja që do të jemi më komplet ndaj Panamasë dhe Kanadasë dhe do të mundohemi të nxjerrim rezultat pozitiv. Duhet të përgatitemi mirë”, deklaroi Bunjaku.