Tifozët shqiptarë nga diaspora po e presin me padurim miqësoren ndërmjet Përfaqësueses së Kosovës dhe asaj të Senegalit, e cila do të zhvillohet në fundjavë.

Tifozë nga mbarë Evropa do t’ia mësyjnë Gjenevës të dielën, për ta ndjekur ekipin e tyre të zemrës, për herë të parë që nga leja që FFK e mori nga FIFA në muajin janar të këtij viti.

Për ta bërë sa më madhështore këtë ndeshje, organizatorët janë duke i përgatitur 15 mijë flamuj të Kosovës, të cilët do të valëviten gjatë ndeshjes me ekipin afrikan.

Ndërkohë, Kosova do të luajë me Turqinë të mërkurën në Mitrovicë.