ZYRTARE: Fabinho rinovon me Liverpoolin
Liverpool ka konfirmuar se mesfushori Fabinho ka nënshkruar kontratë afatgjatë.
Sport
Braziliani është ndër lojtarët kyç te “Reds”, derisa ka rinovuar kontratën deri më 2026, shkruan lajmi.net.
I lumtur me rinovimin është shprehur edhe Fabinho që për faqen zyrtare te Liverpoolit tha vazhdon të këtë dëshirë të madhe të luajë në fanellën e “Reds”.
“Jam i lumtur që kam nënshkruar kontratë të re me klubin. Që nga fillimi i bisedës, isha shumë pozitiv për këtë sepse doja të qëndroja, të vazhdoja me Liverpool. Tani është zyrtare dhe jam shumë i lumtur”.
“Tre edicionet e kaluara kam qenë i lumtur këtu. Kam mësuar nga trajneri, stafi dhe bashkëlojtarët”.
“Kemi arritur gjëra të mëdha bashkë dhe mendoj që është vendi më i mirë që jam, të vazhdoj të rritem, të mësoj nga stafi. Shpresoj të vazhdojmë të arrijmë gjëra të mëdha”, tha ai.
27-vjeçari ka bërë 122 paraqitje në tre edicionet e para./Lajmi.net/