Mbrojtësi Bujar Pllana është larguar zyrtarisht nga Prishtina afatin kalimtar të janarit.

Lajmin e ka konfirmuar edhe faqja zyrtare e klubit kryeqytetas në rrjetet sociale, shkruan lajmi.net.

Pllana është larguar nga kryeqyteti për ta vazhduar karrierën jashtë Kosovës, bën të ditur klubi prishtinas.

“Mbrojtësi Bujar Pllana dhe FC Prishtina i kanë ndarë rrugët me t’i skaduar kontrata futbollistit. Ai largohet nga kryeqyteti për ta vazhduar karrierën jashtë Kosovës pasi e fitoi trofeun e Kupës së Kosovës me ekipin tonë” – thuhet në njoftimin e Prishtinës.

Pllana iu bashkua klubit më të trofeshëm të futbollit kosovar në janar të vitit 2022.

21-vjeçari në edicionin e fundit i realizoi pesë gola në fanellën “bardhekaltër”, katër në kampionat dhe një në Kupën e Kosovës./Lajmi.net/