Djali i ish-presidentit Hashim Thaçi, Endrit Thaçi, dhe këngëtari i njohur Yll Limani janë bërë pjesë e protestës “Jo në emrin tim”, e cila po vazhdon për të tetën ditë me radhë në Sheshin “Skënderbeu” në Prishtinë.

Ata iu bashkuan qytetarëve që po protestojnë në kundërshtim me vendimin e Dhomave të Specializuara në Hagë për dënimin e ish-krerëve të UÇK-së.

Protesta po vazhdon sonte me pjesëmarrjen e qytetarëve, ndërsa në mesin e protestuesve janë parë edhe figura të njohura publike.