Zana Spahiu është emëruar Ushtruese e detyrës së Drejtoreshës së Përgjithshme të RTK-së.

Ajo ka pranuar detyrën nga ish-drejtori i përgjithshëm i Transmetuesit Publik, Shkumbin Ahmetxhekaj, i cili dha dorëheqje nga kjo pozitë, ditë më parë.

Spahiu është e diplomuar në Fakultetin Juridik në Universitetin e Prishtinës.

Ajo nga 2010 filloi punën në RTK si juriste, derisa në vitin 2022 u zgjodh udhëheqëse e zyrës Ligjore në RTK.

Por për të gjithë ata që nuk e dinë, Zana është edhe bashkëshortja e aktorit shumë të dashur për publikun kosovar, Fatmir Spahiu (Bufi).

Dyshja janë të martuar prej shumë kohësh dhe nga kjo martesë kanë dhe dy fëmijë. /Lajmi.net/