Pos kryeministrit aktual të Turqisë, Reçep Tajip Erdogan, në garë janë edhe Ekmeleddin Ihsanoglu dhe Selahattin Demirtas. Nëse asnjëri nga kandidatët nuk merr mbi 50 për qind të votave, raund i dytë do të mbahet më 24 gusht.

Erdogan, 60 vjeç, ka deklaruar se nëse ai fiton posti ceremonial i deritanishëm i presidentit do të kthehet në një ‘central ekzekutiv’ të vendit.

Ai ka qenë kryeministër që nga viti 2003 dhe tashmë nuk mund të kandidojë për këtë post.

Sondazhet e kryera në Turqi nxjerrin Erdoganin si favoritin kryesor për postin e presidentit.