Italia për një kohë të gjatë ka qenë sinonim i shembullit më të mirë të mbrojtjes andaj nuk është befasi që lideri i Serie A, Roma, aktualisht ndanë pozitën e parë të top 10 skuadrave më të mira në defanzivë në Evropë.

Nëse analizojmë të gjitha ligat evropiane pas xhirove të deritashme, Giallorossët kryesojnë së bashku me kampionin e Greqisë, Olympiakos.

Të dyja skuadrat kanë pranuar nga vetëm një gol në shtatë xhirot e deritashme, derisa kanë realizuar 20 herë në portat e kundërshtarëve.

Southampton i Mauricio Pochettinos ka befasuar të gjithë duke pranuar vetëm dy gola pas shtatë xhirosh në Premierligë dhe në këtë aspekt qëndron më mirë se kampioni i Evropës dhe Bundesligës, Bayern Munich. Në listë gjendet edhe Partizani i Tiranës, me 3 gola të pranuar në gjashtë ndeshje. Nuk është keq.

Renditja e skuadrave sipas golave të pranuar:

Roma: 1 gol i pranuar në shtatë ndeshje

Olympiakos: 1 në 7

Southampton: 2 në 7

Bayern M: 3 në 8

Fola Esch: 3 në 8

Cukaricki: 3 në 8

Partizani Tiranë: 3 në 6

Standard Liege: 4 në 10

Lille: 4 në 9

Torpedo Kutaisi: 4 në 8