Trajneri i Bayern Munichut, Pep Guardiola ka thënë se kremtimi i titullit ia ka zbehur shkëlqimin skuadrës së tij sa i përket formës së shfaqur në fushë.

Gjiganti bavarez pësoi disfatë të thellë 3:0 në Allianz Arena nga Borussia Dortmund dhe Guardiola ka arsyetimin e tij.

“Kur fitoni titullin, ju pësoni një rënie. Ishte njësoj për mua në Barcelonë. Tani duhet të rikthehemi”, deklaroi ai në konferencë për shtyp pas ndeshjes.

“Ne nuk mund të gjenim pasimet tona, ndërtimi i aksioneve ishte tepër i ngadalshëm”, u shpreh Guardiola.

Bayern duhet të përmirësohet patjetër pasi e pret dueli me Real Madridin në gjysmëfinale të Ligës së Kampionëve.