Një burrë është arrestuar në Prishtinë, pasi që përmes një autobusi tentoi ta transportonte një valixhe ku kishte futur një kallashnikov me 68 fishekë.

Arma është konfiskuar, ndërsa i dyshuari është dërguar në mbajtje.

“Stacioni i Autobusëve, Prishtinë 16.09.2026, 07:00. Është arrestuar i dyshuari mashkull kosovar pasi që i njëjti përmes një autobusi ka tentuar ta transportoj një valixhe brenda së cilës kishte një AK-47 me 68 fishekë. Lidhur me rastin arma është konfiskuar, ndërsa i dyshuari pas intervistimit me vendim të prokurorit është dërguar në mbajtje”, thuhet në raportin e Policisë. /Lajmi.net/