Manchester United pritet të vazhdojë pjesën e mbetur të edicionit pa dyshen e qendërmbrojtjes, Lisandro Martinez dhe Raphael Varane.

Për ta parin, Manchester United njoftoi zyrtarisht se për shkak të lëndimit nuk do të jetë i gatshëm të kthehet në këtë edicion.

Ndërkohë, për Varanen njoftuan se ai do të mungojë për disa javë, për shkak të arsyes së njëjtë, lëndimit.

Por, mediumi “The Athletic” raporton se edhe mbrojtësi francez nuk do të rikthehet këtë edicion të ndihmojë “Djajtë e Kuq”.

Manchester United është në garë për një vend që dërgon në Ligën e Kampionëve edicionin e ardhshëm si dhe gjithashtu po synon ta fitojë Ligën e Evropës këtë sezon.

Padyshim, mungesat e dyshes së mbrojtjes do të jenë “hendikep” i madh për trajnerin holandez, Eric ten Hag./Lajmi.net/