Chelsea nuk do të mund të kalkulojë në shërbimet e Tammy Abraham, për ndeshjen që do të luhet nesër, kundër West Ham United.

Lampard ka bërë të ditur se ‘Blutë’ do të jenë pa shërbimet e lojtarit ofensivë, pasi lojtari ndjenë dhembje pas dëmtimit të pësuar në Ligën e Kampionëve.

“Do të dimë më shumë në fund të vikendit, por ai nuk do të jetë në dispozicion nesër. Ka shumë dhembje” ka thënë Lampard, transmeton lajmi.net.

“Do të shihim të hënën. Është një lojë ekipore, djemtë janë stërvitur mirë dhe kur kanë mundësinë për lojë, ata janë gati” ka thënë tutje anglezi.

Abraham ka regjistruar 11 gola në 20 paraqitje për Chelsea këtë sezon, dhe mungesa e tji nuk do të jetë e lehtë për t’u mbuluar. /Lajmi.net/