Sportistja shqiptare del pozitive me koronavirus

Kampionia e botës në boks, Fabiana Bytyqi ka rezultuar pozitive me koronavirus.

Sport

07/04/2020 15:48

Lajmi është bërë i ditur nga Këshilli Botëror i Boksit (WBC), version në të cilin Fabiana është kampione e botës në kategorinë atom, deri 46.27 kilogramë.

“Presidenti i WBC-së, Mauricio Sulaiman dhe gjithë familja e boksit, uron shërim sa më të shpejt dhe të plotë të Fabiana Bytyqit. Fabiana Bytyqi është kampionia e parë e botës e diagnostikuar me COVID-19. Fabiana Bytyqi ka bërë histori duke u bërë boksierja e parë nga Çekia që ka fituar një titull të madh të botës, kur e mposhti në shtator të vitit 2018 Denise Castlen”, ësahtë thënë në komunikatë nga WBC.

Më herët me koronavirus ishte diagnostikuar trajneri i Fabiana Bytyqit, Lukas Konecny.

Shqiptarja Fabiana Bytyqi, është lindur në Çeki ndërsa jeton dhe e zhvillon karrierën në këtë vend.