Karl-Heinz Rummenigge ka bërë të ditur se Bayern Munich e shiti Xherdan Shaqirin në Inter, me zbritje.

Ylli kosovar iu bashkua Nerazzurrëve gjatë afatit kalimtar të janarit në formë huazimi me të drejtë të obliguar të blerjes pas përfundimit të këtij sezoni.

Dhe, Rummenigge ka sqaruar se Bayern i bëri një favor klubit italian, me shitjen e Shaqirit.

“Ne mund të përfitonim më shumë nëse do ta kishim shitur në Angli, por mund të thuhet se i kemi dhënë Interit një zbritje”, deklaroi Rummenigge për “Gazzetta dello Sport”.

“Inter ka goditur llotarinë me blerjen e Shaqirit. Ai është ende i ri dhe ka shumë kualitet. Ai është futbollist i cili mund ta bëjë dallimin”, u shpreh ai.