Luiz Felipe Scolari mund të mbetet në bankinën e Kombëtares së Brazilit edhe pas Kampionatit Botëror, që do të mbahet pikërisht në këtë vend.

Lajmin e ka paralajmëruar zëvendës presidenti i Federatës Braziliane të Futbollit, Marco Polo del Nero, duke bërë të ditur se trajner më të mirë nuk mund të gjejë Seleçao.

“Scolari është personi ideal për ta vazhduar rolin e selektorit, pa i marrë parasysh paraqitjet e Brazilit në Botëror”, ka thënë Del Nero.

65 vjeçari do të mundohet t’ia sigurojë Brazilit titullin e gjashtë të kampionit të botës dhe kjo do të jetë një mundësi ideale, sepse ky kompeticion do të luhet pikërisht në këtë kontinent.