Arsenali ka gjetur një kandidat të ri për portier. Gjiganti londinez është i gatshëm të paguajë 6 milionë euro për transferimin e portierit të Liverpoolit, Pepe Reina, ka bërë të ditur tabloidi britanik Metro.

Reina nuk pritet të mbetet në Napoli pas skadimit të periudhës njëvjeçare të huazimit në San Paolo, mirëpo ai ka bërë të ditur se as nuk dëshiron të rikthehet në Anfield ku Simon Mignolet konsiderohet si titullar nga menaxheri Brendan Rodgers.

Krejt kjo ka bërë që Reina të shndërrohet në kandidat për portier të ri të Arsenalit ku Arsene Wenger është në kërkim të një përforcimi pas largimit të Lukasz Fabianskit në Swansea, gjatë këtij afati kalimtar që ka lënë Wojciech Szczesnyn si portier të vetëm në dispozicion.