Real Madrid dhe dy klubet e Premierligës e kërkuan Luizin në verë
Mbrojtësi David Luiz kaloi shumicën e verës pa klub para se të rikthehej në vendlindje, ku nënshkroi për Flamengon.
Sport
Kjo nuk ishte sepse 34-vjeçari nuk kishte oferta në Evropë, por dëshironte të rikthehej në Brazil, transmeton lajmi.net.
Sipas Globo Esporte, Luiz ka pasur interesimin e disa klubeve evropiane, një ndër to ishte gjiganti spanjoll, Real Madrid.
Brazilianin e kërkoi trajneri Carlo Ancelotti, që punoi me të te Chelsea në vitin 2011.
Ndërsa, kishte interesim edhe nga dy klubet e Premierligës, Everton dhe West Ham, që shpresonin ta bindnin Luiz të qëndronte në Premierligë.
Sidoqoftë, asnjëra ofertë nuk arriti ta tërheq brazilianin që pastaj nënshkroi për Flamengon./Lajmi.net/