Rama: Shqipëri-Kosovë konsullata të përbashkëta, punë e madhe shumë se mërzitet ndonjë fqinj!
Kosova dhe Shqipëria pritet të kenë konsullata të përbashkëta në disa shtete të ndryshme të botës.
![](https://lajmi.net/wp-content/uploads/2016/06/Kryeministri-i-Shqipërisë-Edi-Rama.jpg)
Lajme
Kryeministri Edi Rama tha se është bërë një projekt ku janë përzgjedhur disa shtete që në krahasim me vendet e tjera kanë më pak emigrantë shqiptarë, kështu, një konsullatë e përbashkët mes Kosovës dhe Shqipërisë do t’i jepte atyre zgjidhje për shërbimet e kërkuara.
Gjatë bashkëbisedimit me emigrantë shqiptarë në Samitin e Diasporës që mbahet për herë të parë në Tiranë, Rama ju përgjigj pyetjes së një shqiptareje që u interesua se kur do të ketë një ambasadë të Shqipërisë në Australi, një vend me numër të vogël emigrantësh shqiptarë.
“Pse duhet t’i kemi të ndara ne dhe Kosova konsullatat, ë paguajmë dy palë detyrime, e pse të mos jenë ambasadat dhe konsullatat e Kosovës dhe të Shqipërisë në të njëjtën godinë? Projekti është që të kemi konsullatë të përbashkët Shqipëri-Kosovë, për të gjithë shqiptarët atje të gjejnë ndihmë atje. Do na mërzitet ndonjë fqinj do thonë e bashkuan këta Shqipërinë por punë e madhe shumë. Fqinjtë të lumtur me njëri tjetrin s’ka, ne e kemi provën me komshinjtë tanë”, u shpreh kryeministri Edi Rama.