Sot pritet të luhen dy duele interesante në Premierligë, Liverpool kërkon të forcojë pozitën e parë në tabelë, “The Reds” kërkojnë tre pikë ndaj West Brom.

Ndërsa, “The Baggies” pas shkarkimit të trajnerit Slaven Bilic, tani duken si skuadër tjetër nën drejtimin e Sam Allardyce dhe mund të krijojnë probleme.

Liverpool qëndron në pozitën e parë me me 31 pikë gjithsej, ata kanë regjistruar në pesë ndeshjet e fundit tre fitore dhe dy barazime.

West Brom gjendet në pozitën e 19-të me 7 pikë total, ata në pesë ndeshjet e fundit kanë regjistruar tre humbje, një barazim dhe një humbje.

Në këtë ndeshje pritet të mungojnë lojtarë si: Joe Gomez, Van dijk, Kostas Tsimkas dhe Diogo Jota, ndërsa Thiago Alcantara, James Milner dhe Xherdan Shaqiri janë në dyshim, transmeton lajmi.net.

Për mysafirët Robson-Kanu mund të mos paraqitet këtë ndeshje poashtu edhe Jake Livermore është i suspenduar, përndryshe ata kanë skuadrën e plotë.

Wolverhamton Wanderers pret skuadrën londinze Tottenham Hotspur.

“Spurs” gjenden në vendin e tetë me 25 pikë gjithsej, në rast të fitores ata mund të ngjiten në pozitën e tretë nësë arrijnë golaverazh më të mirë se Leicester City.

Wolves gjenden në pozitën e 11-të me 20 pikë total, ata kanë regjistruar tre humbje dhe dy fitore në pesë ndeshjet e fundit.

Për londinezët pritet të mungojnë Tanganga dhe Lo Celso, ndërsa për Wolves mungojnë Raul Jimenez dhe Jonny Castro./Lajmi.net/