Paul Pogba nuk do të transferohet në Real Madrid, e as në Barcelonë, gjatë këtij afati kalimtar të verës.

Mesfushori i Juventusit ka vendosur të mbetet me kampionin e Italisë, ka bërë të ditur e përditshmja sportive katalane “Mundo Deportivo”.

Reprezentuesi francez kërkohet nga disa prej klubeve më të mëdha në botë.

Mirëpo, i këshilluar edhe nga bashkëlojtari i tij Patrice Evra dhe menaxheri Mino Raiola, Pogba ka vendosur që të mbetet në Juventus së paku edhe një vit.

Kjo me synimin që duke luajtur në vazhdimësi të sigurojë një vend si titullar në ekipin e Francës për Euro 2016.