Pochettino dhe Tottenham do të paraqiten për herë të parë në një finale të Ligës së Kampionëve, ku përballë do të kenë skuadrën e Liverpool.

Para kësaj ndeshje, trajneri argjentinas ka kërkuar që në fotografinë e skuadrës para ndeshjes, të kenë të drejtë të paraqiten të gjithë lojtarët, edhe ata nga banka rezervë.

Këtë kërkesë argjentinasi e ka bërë duke thënë se të gjithë lojtarët kanë dhënë kontributin e tyre dhe meritojnë të jenë pjesë e fotografisë, transmeton lajmi.net.

Shtëpia më e madhe e futbollit në Evropë nuk vonoi dhe pranoi kërkesën e Pochettinos, duke dhënë dritën e gjelbër që të gjithë lojtarët të dalin në fotografinë para ndeshjes finale.

Finalja mes Tottenham Hotspur dhe Liverpool do të luhet sonte, në Madrid, me fillim nga ora 21:00. /Lajmi.net/