Përforcimet e Bayernit
Trajneri i Bayern Munichut, Pep Guardiola ka formuar një listë me emra të disa mbrojtësve, kandidatë për transferim në klub gjatë afatit kalimtar të verës. Ajo kryesohet nga Diego Godin.
Sport
Mehdi Benatia nuk është i vetmi objektiv i Bayern Munichut, për transferim gjatë afatit kalimtar të verës.
Sipas France Football, së bashku me qendërmbrojtësin e Romës, trajneri Pep Guardiola ka përpiluar një listë që përmban edhe emra të tjerë të atyre që ai do të tentojë t’i sjellë në Allianz Arena.
I pari është Diego Godin, pjesëmarrës i një sezoni të jashtëzakonshëm me Atletico Madridin, kampion i Spanjës dhe finalist i Ligës së Kampionëve ku u mposht nga rivali i qytetit, Real Madrid.
Gjithnjë nga Spanja, Guardiola është i interesuar edhe për qendërmbrojtësin e Athletic Bilbaos, Aymeric Laporte.
Në fund, ish trajneri i Barcelonës është i interesuar edhe për mbrojtësin e krahut të gjigantit katalan, Martin Montoya, ndonëse futbollisti së fundmi ka vazhduar kontratën në Camp Nou.