Presidentja e Kosovës, Vjosa Osmani ka shprehur pikëllimin e saj për tragjedinë që ndodhi në Bolu të Turqisë, ku humbën jetën 66 persona nga një zjarr në hotel.

Osmani përmes një postimi në platformën “X” ka shprehur ngushëllime për familjet e viktimave, teksa u uroi shërim të shpejtë të lënduarve, transmeton lajmi.net.

E para e vendit ka thënë se mendimet dhe solidariteti i Kosovës është me presidentin, Erdogan dhe popullin turk.

“E pikëlluar thellësisht nga aksidenti tragjik në Bolu të Turqisë. Në emër të Republikës së Kosovës, u shpreh ngushëllimet tona më të thella familjeve që mbajnë zi për këtë humbje të madhe. Ne jemi me reaguesit e guximshëm që punojnë pa u lodhur për të shpëtuar jetë dhe për të ndihmuar ata në nevojë. Të lënduarve u uroj shërim të shpejtë dhe të plotë. Në këtë kohë të vështirë, mendimet dhe solidariteti ynë janë me Presidentin Recep Tayipp Erdogan dhe popullin e Turqisë”, ka shkruar presidentja në platformën “X”./Lajmi.net/

Profoundly saddened by the tragic accident in Bolu, Türkiye. On behalf of the Republic of Kosovo, I extend our deepest condolences to the families and loved ones mourning this devastating loss.

We stand with the courageous responders working tirelessly to save lives and assist…

— Vjosa Osmani (@VjosaOsmaniPRKS) January 21, 2025