Autoritetet japoneze kanë kërkuar evakuimin e mbi 500,000 banorëve, qindra fluturime ajrore janë anuluar , 50,000 banorë kanë mbetur pa energji elektrike, kurse edeh rafineria e naftës është detyruar të ndërpresë prodhimin pasi tajfuni i fuqishëm Neoguri ka goditur ishullin Okinava.  

Ky tajfun është i teti me radhë i këtij viti dhe tashti po lëviz drejt lindjes së Detit Kinez, duke iu afruar ishullit Kiushu. Sipas meteorologëve, ka mundësi që ky tajfun të godasë edhe kryeqytetin e Japonisë, Tokio, njofton agjencia japoneze e lajmeve Kjodo.

Neoguri është dobësuar pak, por edhe më tutje është mjaft intensiv me goditje të erërave deri në 250 kilometra në orë, transmeton agjencia Reuters.