Festa e Brazilit është shndërruar në ankth. Skuadra nikoqire e Kampionatit botëror u kualifikua në gjysmëfinale pas fitores 2:1 ndaj Kolumbisë.

Mirëpo, menjëherë pas ndeshjes festa u zbeh pas lajmit se sulmuesi kryesor Neymar u dërgua në spital pas dëmtimit që pësoi në fazën përfundimtare të ballafaqimit. Sulmuesi u qëllua me gju në shpinë nga Juan Camilo Zuniga.

Dhe, sipas mediave braziliane dhe spanjolle, Neymar është dërguar në spital për teste mjekësore, por njoftimet e para nuk sjellin lajme të mira.

Në rast të mungesës së tij në duelin gjysmëfinal kundër Gjermanisë, Brazili do të jetë pa dy prej futbollistëve kryesorë pasi kapiteni Thiago Silva është i suspenduar.

Por, edhe më keq, pas këtij lëndimi Neymar rrezikon të përfundojë Botërorin.