Një tjetër “El Classico” mes Barcelonës dhe Real Madridit do të zhvillohet sonte.

Dy rivalët e përbetuar të futbollit spanjoll dhe botëror do të përballen në ndeshjen e dytë gjysmëfinale në Kupën e Mbretit, shkruan lajmi.net.

Katalunasit janë nikoqir të Real Madridit në stadiumin “Camp Nou” me fillim nga ora 21:00.

Ekipi që drejtohet nga trajneri Xavi Hernandez ka avantazhin nga ndeshja e parë të cilën e fituan 0:1 në stadiumin “Santiago Bernabeu” në kryeqendrën spanjolle, në Madrid.

Dueli i “gjigantëve” të futbollit spanjoll dhe evropian do të transmetohet në platformën Artmotion në kanalin Arena 1 Premium.

Ndryshe, fituesi i kësaj ndeshje do të luan në finale të Kupës së Mbretit me Osasunën që mbrëmë e eliminoi Athletic Bilbaon./Lajmi.net/