Trajneri i Tottenhamit, Christian Stellini, është fotografuar pak ditë më parë në një mjet transporti publik, gjë që ka befasuar publikun anglez.

Pas shkarkimit të Antonio Contes, Stellini mori drejtimin e ekipit të “Spurs” për pjesën e mbetur të edicionit, transmeton lajmi.net.

Megjithatë, përkundër faktit se ai fiton para serioze duke udhëhequr klubin londinez, ai kënaqi publikun ishullor me modestinë e tij.

Në rrjetet sociale po vërshojnë komente pozitive dhe duket se trajneri italian tashmë ka fituar zemrat e fansave.

Mirëpo, pavarësisht kësaj, vështirë se do të mbetet trajner i Tottenham Hotspur edhe sezonin e ardhshëm, duke qenë se u ul në stolin e klubit londinez si zgjidhje e përkohshme.