Man City rivalizon top klubet për De Ligt
Manchester City është skuadra më e fundit që ka shprehur interesim për qendërmbrojtësin e Juventusit, Matthijs de Ligt.
Sport
22-vjeçari në muajt e fundit ka qenë i lidhur me largimin nga Seria A, me Chelsean dhe Barcelonën që thuhet se kanë shprehur interesim, transmeton lajmi.net.
Sipas Calciomercato, De Ligt nuk është i lumtur me minutazhën në Torino, ngase ka zhvilluar 662 minuta në 12 ndeshje dhe mendon që nuk ka besimin e trajnerit Massimiliano Allegri.
Raporti shton se Man City është duke shikuar të përforcojë sërish mbrojtjen në verë dhe ka identifikuar holandezin si lojtari ideal.
Trajneri Pep Guardiola është duke konsideruar shitjen e Nathan Ake verën tjetër, në mënyrë që të lërë vendin për De Ligt.
Holandez ka klauzolë lirimi me vlerë 150 milionë euro që bëhet aktive në qershorin e 2022./Lajmi.net/