Manchester City gati të rivalizojë Liverpoolin dhe United në garë për Jude Bellingham.

Bellingham ka kontratë me Borussia Dortmund deri në vitin 2025, por pritet të largohet në merkaton e verës.

Shumë klube të mëdha janë pas mesfushorit anglez, kjo pritet të jetë arsyeja që ai të largohet nga ‘Signal Iduna Park’, transmeton lajmi.net.

‘Goal’ së fundmi ka raportuar se City është gati të ofrojë 83 milionë funte për Bellingham, kështu duke qenë i gatshëm të rivalizojë skuadra si Liverpool dhe Man United që janë në garë për të.

Për 19 vjeçarin interesim kanë shfaqur edhe Real Madridi.

Në mesin e shumë ofertave nga gjigantë evropianë, mbetet të shihet se çfarë do të vendos mesfushori./Lajmi.net/