Pas pothuajse 25 vitesh është hapur përsëri lokali “Ce La Vie” në veri të Mitrovicës.

E në një intervistë për lajmi.net, menaxheri i lokalit thotë se informata se njerëzit kanë frikë të shkojnë në lokal nga pasiguria në atë pjesë nuk është e vërtetë sepse lokali ka klientë në çdo kohë dhe siguria është e plotë.

“Siç e pe edhe vet lokali është për plotë edhe pse protesta është k’tu në këtë pjesë, edhe gazetarët e ndijn vetën mirë duhet me kanë si në shpi tyne”, ka thënë menaxheri i lokalit.

Ai ka treguar se lokali është hapur sërish para tri jave e ku nuk kanë munguar të jenë prezentë ministra, deputetë, gazetarë e mysafirë edhe nga Tivari.

Ai thotë se vizitat e ministrit të punëve të Brendshme Xhelal Sveçla janë të zakonshme sa për të pirë kafe me miqtë e tij.

“E ka pi një kafe, ka nejt mbi një orë, u kanë disa herë nuk është hera e parë”.

Ndërkaq një prej mysafirëve të cilin e cilëson si nga të parët është Agim Bahtiri.

“Vijnë edhe prej pjesës jugore Agim Bahtirin e kem pas prej të parëve”, ka thënë ai. /Lajmi.net/

/Lajmi.net/