Pas vrasjes së Arlinda Zekajt në Vitomiricë të Pejës, përfaqësues të opozitës kanë kërkuar përgjegjësi institucionale dhe dorëheqjen e ministrit të Punëve të Brendshme, Xhelal Sveçla.

Rasti ka nxitur reagime të shumta në skenën politike, me kritika ndaj institucioneve për mënyrën e trajtimit të rasteve të dhunës ndaj grave dhe për masat që ndërmerren për parandalimin e tyre.

Pavarësisht kërkesave të opozitës për dorëheqje, Sveçla nuk ka reaguar lidhur me këto thirrje.

Vrasja e Arlinda Zekajt ka rikthyer në qendër të debatit publik përgjegjësinë e institucioneve për mbrojtjen e grave dhe nevojën për të hetuar rrethanat që i paraprinë rastit.

I dyshuari për vrasjen vazhdon të jetë në arrati. /Lajmi.net/