Liverpooli shkatërron Arsenalin në “Anfield Road”

20:25 | 20 Nentor 2021

Liverpool ka arritur të regjistrojë një fitore të thellë ndaj skuadrës së Arsenalit.

“Të Kuqtë” kanë triumfuar në Anfield me rezultat të thellë prej 4-0, në një ndeshje totalisht të dominuar nga ta.

Sfidën e hapi Sadio Mane i cili realizoi gol në minutën e 39-të të ndeshjes pas një asistimi të bukur nga Trent-Arnold, gol me të cilin u mbyll pjesa e parë.

Në pjesën e dytë, Diogo Jota dyfishoi epërsinë për skuadrën e tij duke realizuar një gol të bukur pasi mori një top nga mbrojtësi i majtë kundërshtar, Nuno Tavares.

“Reds” brenda katër minutave regjistruan edhe golin e tretë dhe të katërt të ndeshjes, fillimisht me Mohamed Salah i cili realizoi në minutën e 73-të, gjersa në minutën e 77-të realizoi edhe sulmuesi japonez, Takumi Minamino, për t’i dhënë një fitore të thellë skuadrës së tij përballë Arsenalit.

Goli i pokerit të Liverpoolit – VIDEO

Me këtë fitore Liverpooli ngritet përkohësisht në pozitën e dytë me 25 pikë të mbledhura, gjersa Arsenali mbetet në kuotën e 20 pikëve, e pozicionuar në pozitën e pestë.

Liverpool kështu i’a ndërprejnë ecurinë e 10 ndeshjeve pa humbje në të gjitha kompeticionet Arsenalit, gjersa “Gunners” mbeten pa fitore në Anfield që nga shtatori i vitit 2012. /Lajmi.net