Messi dhe Ronaldo janë padyshim dy lojtarët më të mirë në histori të futbollit, por sigurisht, dilema mbetet tek ajo se cili është më i miri.

Dyshja dallojnë në stilin e lojës, me Messin që është një ‘artist’ në fushë, me vizion të jashtëzakonshëm për lojën, driblime, gola dhe shumë veti të tjera, kurse Ronaldo në anën tjetër me një angazhim të lartë, konkretizues i jashtëzakonshëm dhe lider në fushë.

Debatit për dyshen i është bashkuar edhe Gary Lineker, i cili ka bërë një dallim të thjeshtë mes dy më të mirëve, duke mos i ulur vlerën asnjërit.

“Kur shikoj Ronaldon, e admiroj atë. Kur e shikoj Messin, më jep kënaqësi. Ky është dallimi” ka thënë Lineker, transmeton lajmi.net.

Cili mendoni ju se është më i mirë, Messi apo Ronaldo? /Lajmi.net/