Uji është përbërësi pothuajse kryesor në të gjithë llojet e limonadave që do ju sygjerojmë t\’i përgadisni gjatë stinës së verës,  e pse jo edhe tani.  Janë frutat tropikale ato të cilat shoqërojnë  gjitha llojet e limonadave, andaj provojini.

Limonada me shalqi

Coptoni shalqirin në copë të vogla në formë të trekëndshave dhe shtrydhni ato më pas. Lëngun e fituar vendoseni në një gotë me copa të imëta të akullit. Kjo lloj shije mund të shoqërohet edhe me disa feta limoni të gjelbër.

Limonada me rosmarinë dhe mjaltë

Mbushni një gotë të madhe me ujë e plot me akull dhe vendosni një bimë rosmarinë  dhe një lugë të madhe me mjaltë. Lëreni të qëndrojë për disa minuta si e tillë e më pas mund ta konsumoni.

Limonada me dredhëza (luleshtrydhe)

Shtrydhni dredhëzat dhe grimconi akullin. Këto dy përbërës futini në një gotë të madhe dhe pijeni. Mos vendosni sheqer ose ndonjë gjë të ëmbël sepse dredhëza ka sasi të mjaftueshme të sheqerit.

Limonada me bimë menteje dhe limon

Grimconi bimët e mentes shumë imët, më pas shtrydhni gjysmën e limonit. Akulli në formë të grimcuar është shoqërues i përkryer për ta bërë pijen më të freskët dhe më verore.

Limonda me shegë

Ndani shegën për gjysëm dhe merrni kokrrat e tij, mbusheni gotën me kokrra shege dhe vendosni disa feta limoni bashkë me akullin dhe ujin.

Limonada me grejp frutin

Merreni grejp frutin dhe ndajeni përgjysëm. Shtrydheni në shtrydhëse dhe lëngun e fituar vendoseni në një gotë plotë me akull. Për të zbutur shijen e idhët të grejp frutit vendosni një lugë të vogël me mjaltë.