Leicesteri fiton trofeun e Superkupës së Anglisë, mposht minimalisht Man Cityn
Leicester City ka arritur të fitojë trofeun e Superkupës së Anglisë.
Sport
Leicesteri ka mposhtur Man Cityn 1-0 në finalen e Superkupës, shkruan lajmi.net.
Ndeshja nisi më mirë për ‘Citizens’ që patën disa raste shënimi përmes Riyad Mahrez por që u pritën nga Kasper Schmeichel.
Leicesteri gjithashtu pati disa mundësi por pjesa e parë u mbyll baras 0-0.
Pjesa e dytë ishte pothuajse e baraspeshuar me një dominim të lehtë të Manchesterit.
Në minutën e 65’ për ekipin e Pep Guardiolës debutoi blerja e fundit Jack Grealish.
Kur askush nuk e priste në min e 88’ u akordua penallti për Leicesterin pas një ndërhyrje të Nathan Ake.
Këtë rast nuk e lëshoi Kelechi Iheanacho që vulosi fitoren e Leicesterit me golin e tij në min e 89’.
Kështu Leicesteri fiton trofeun e Superkupës së Anglisë. /Lajmi.net/