Ky është i akuzuari për vrasje në Norvegji që e arrestoi sot “FAST-i” i policisë së Kosovës
FAST Kosova me mbështetje të Njësisë Speciale Operative ditën e sotme ka arrestuar 35-vjeçarin, Visar Avdylin i cili në vitin 2021 kishte vrarë një 20-vjeçar. Përveç Visarit, autoritetet norvegjeze patën shpallur në kërkim edhe vëllain e tij, Valon Avdyli, për vrasjen në Mortensrud në Oslo më 7 tetor. Atë kohë, autoritetet norvegjeze publikuan edhe pamjet…
![](https://lajmi.net/wp-content/uploads/2024/02/BeFunky-collage-7-scaled.jpg)
Lajme
FAST Kosova me mbështetje të Njësisë Speciale Operative ditën e sotme ka arrestuar 35-vjeçarin, Visar Avdylin i cili në vitin 2021 kishte vrarë një 20-vjeçar.
Përveç Visarit, autoritetet norvegjeze patën shpallur në kërkim edhe vëllain e tij, Valon Avdyli, për vrasjen në Mortensrud në Oslo më 7 tetor.
Atë kohë, autoritetet norvegjeze publikuan edhe pamjet e tyre, ku dy ditë pas ngjarjes tragjike dy vëllezërit ishin nisur drejt Prishtinës, më 9 tetor.
Vëllezërit Avdyli akuzohen për vrasje dhe bashkëpunim në vrasje pasi 20-vjeçari Hamse Hashi Adan u qëllua dhe u vra jashtë shkollës Lofsrud më 7 tetor të 2021.
Mediat norvegjeze patën bërë të ditur se Valon Avdyli kishte qenë i dënuar për pjesëmarrje në organizatën terroriste IS, ndërsa Visar Avdyli u dënua për përpjekje për të ofruar mbështetje materiale për IS-in përmes vëllait të tretë, Egzon Avdylit.