Mandatari për kryeministër të Kosovës, Albin Kurti, gjatë prezantimit të programit të tij para deputetëve, ka deklaruar se Kosova do të nisë zhvillimin e valutës digjitale.

Kurti ka bërë të ditur gjithashtu se për veturat e importuara nga Bashkimi Evropian do të hiqet taksa doganore prej 10 për qind.

“Për veturat e importuara nga BE do hiqet taksa doganore prej 10%, ndërsa ligji për çmimet tavan do t’i mbrojë qytetarët nga abuzimi me marzhet”, ka deklaruar Kurti.

Ai ka thënë se në planin e tij qeverisës përfshihet edhe zhvillimi i valutës digjitale të Kosovës.

“Do ta nisim zhvillimin e valutës digjitale të Kosovës”, ka thënë Kurti.

Në fjalimin e tij, Kurti ka përmendur edhe vazhdimin e projektit të qendrës TIK në qendër të Prishtinës, si dhe mbështetjen për të rinjtë përmes Fondit të Inovacionit.

“Fondi i Inovacionit do t’i mbështesë të rinjtë”, ka deklaruar ai. /Lajmi.net/