Kryetari i Partisë Demokratike të Kosovës (PDK), Memli Krasniqi, ka deklaruar sot para fillimit të seancës konstituive të Kuvendit të Kosovës se ka refuzuar kërkesën e kryeministrit Albin Kurti për një takim.

Sipas Krasniqit, Kurti kishte kërkuar që të takohej për të diskutuar mundësinë e zgjedhjes së Nenad Rashiqit si nënkryetar të Kuvendit, transmeton lajmi.net

“Unë kam refuzuar të takoj z. Kurti sot, përkundër kërkesës së tij që të takohemi për të diskutuar për zgjedhjen e Nenad Rashiqit”, tha Krasniqi.

“Për mua është shumë e çuditshme, kanë refuzuar me shpërfillje me u taku 10 minuta për me e zgjedh një kryetar të Kuvendit që do të ishte i denj, që nuk do të ishte një figurë kontraverese, problematike siç është Dimal Basha, për të cilin disa i kishmi ditë e shumë si kishmi ditë. Por, për Nenad Rashiqin, Albin Kurti do me u taku edhe me u konsultu, dëshiron me bo edhe kompromise. Vërtetë është e çuditshme.”, përfundoi ai./lajmi.net/