Kombëtarja U19 e Kosovës në hendboll ka shënuar fitoren e dytë në Kampionatin Botëror që po zhvillohet në Egjipt, duke mposhtur bindshëm Kuvajtin me rezultatin 36:23.

Ndeshja u zhvillua të hënën, në kuadër të fazës së dytë të garave, ku djelmoshat e rinj të Kosovës treguan lojë të disiplinuar në mbrojtje dhe efikasitet të lartë në sulm.

Sfida e radhës për “dardanët” është të mërkurën nga ora 11:15 kundër Portugalisë. Një fitore ndaj tyre do t’i siguronte Kosovës garën për plasman nga vendi i 17-të deri në të 20-in, ndërsa një humbje do t’i dërgonte në duelet për pozitat 21–24.