Mungesa e energjisë elektrike në Kosovë është shqetësuese.

Në vitin që lamë pas dhe në këtë muaj ndërprerje të energjisë elektrike pati thuajse në çdo komunë të Kosovës.

Por pavarësisht mungesës së energjisë elektrike dhe shqetësimeve që sjell kjo situatë, dikujt s’po i bëhet vonë.

Pikërisht në qendër të Prishtinës, tek pjesa e njohur si afër mensës së studentëve dritat po mbahen ndezur edhe në pikë të ditës.

Këto drita janë parë të ndezura në këtë anë, e shpesh herë të ndezura qëndrojnë edhe në trotuare të tjera të Prishtinës.

Ngjashëm situata është në disa raste edhe në objektet publike, madje edhe në atë të Qeverisë ku dritat janë të ndezura edhe kur në ato zyre s’ka asnjë njeri./Lajmi.net/