Kombëtarja U21 i fillon përgatitjet për ndeshjet e qershorit më 27 maj
Kombëtarja e Kosovës U21 do t’i fillojë përgatitjet për ndeshjet e qershorit më 27 maj.
Sport
‘Dardanët’ e rinj në muajin qershor zhvillojnë dy ndeshje shumë të rëndësishme për kualifikimet për Kampionatin Evropian U21.
Në një njoftim të FFK-së, përgatitjet për ndeshjet e qershorit kundër Andorrës dhe Turqisë, do të fillojnë më 27 maj në Prishtinë, shkruan lajmi.net.
Njoftimi i plotë i FFK-së:
Kombëtarja e Kosovës U21 do t’i fillojë përgatitjet për dy ndeshjet kualifikuese për Kampionatin Evropian 2021 kundër Andorës dhe Turqisë më 27 maj në Prishtinë. Stërvitjet do të mbahen në stadiumin e Flamurtarit. Të rikujtojmë se Kosova bën pjesë në Grupin 3, ku krahas dy kundërshtarëve të ndeshjeve të qershorit janë të përfshira edhe Anglia, Austria dhe Shqipëria. Ndeshjen e parë djelmoshat e drejtuar nga Rafet Prekazi do ta zhvillojnë si mysafirë kundër Andorës, më 6 qershor, derisa më 11 qershor do të jenë mikpritës të Turqisë në stadiumin “Fadil Vokrri”. Në ciklin e saj të parë kualifikues Kosova U21 pati paraqitje mbresëlënëse në një grup tejet të vështirë ku ishin Gjermania, Norvegjia, Irlanda, Izraeli dhe Azerbajxhani.
Agjenda e Kombëtares U21
27 maj, ora 17:00
28 maj, ora 17:00
29 maj, ora 17:00
30 maj, ora 17:00
1 qershor, ora 17:00
2 qershor, ora 10:30 dhe 17:00
3 qershor, ora 17:00
6 qershor, ndeshja Andorë U21 – Kosovë U21
8 qershor, ora 17:00
9 qershor, ora 17:00
10 qershor, ora 17:30 (stërvitje në stadiumin “Fadil Vokrri”
11 qershor, ndeshja Kosovë U21 – Turqi U21, në stadiumin “Fadil Vokrri”
/Lajmi.net/