Kjo është situata në rrugën në Veternik pas reshjeve të shtuara të shiut
Ministria e Infrastrukturës njofton të gjithë qytetarët dhe shfrytëzuesit e aksit rrugor Prishtinë - Ferizaj, se si pasojë e reshjeve të shtuara atmosferike në dy ditët e fundit në vendin tonë, ka ardhur deri te rrëshqitja e dheut në vendpunishten e zgjerimit të rrugës në hyrje të Prishtinës, në lagjen Veternik.
Lajme
“Ekipet punuese të operatorit ekonomik të kontrakutar për kryerjen e këtyre punimeve dhe zyrtarët e Ministrisë së Infrastrukturës kanë dalë në vendin e ngjarjes dhe kanë ndërmarrë të gjitha masat për parandalimin e dëmit të mëtejshëm dhe për vendosjen e situatës në kontrollë.”, thuhet në një njoftim të MI-së. /Lajmi.net/
