Katër të lënduar nga zjarri në Shtime, Policia: Ndodhet afër shtëpive të banimit

Një zjarr i fuqishëm ka shpërthyer në lagjen “Pajtimi” në Shtime, duke lënë të lënduar katër persona. Lajmin e ka konfirmuar zëdhënësi i Policisë për rajonin e Ferizajt, Kanun Veseli, i cili tha se viktimat kanë marrë lëndime të lehta. Zjarrfiksësit po përballen me vështirësi në shuarjen e zjarrit, pasi erërat e forta e kanë…

Lajme

30/08/2025 16:08

Një zjarr i fuqishëm ka shpërthyer në lagjen “Pajtimi” në Shtime, duke lënë të lënduar katër persona. Lajmin e ka konfirmuar zëdhënësi i Policisë për rajonin e Ferizajt, Kanun Veseli, i cili tha se viktimat kanë marrë lëndime të lehta.

Zjarrfiksësit po përballen me vështirësi në shuarjen e zjarrit, pasi erërat e forta e kanë përhapur atë me shpejtësi. Zjarri ka shpërthyer afër shtëpive të banimit, duke rrezikuar jetën e banorëve, raporton lajmi.net

Sipas njoftimit të policisë, ngjarja ka ndodhur rreth orës 14:00, kur zjarrfushor ka shpërthyer pranë shtëpive. Deri tani janë përfshirë një shtëpi e vjetër dhe një veturë në flakë.

Ekipet e zjarrfikësve të Shtimes janë në vendngjarje dhe po punojnë për shuarjen e flakëve, me ndihmën e banorëve të zonës.

Në vendin e ngjarjes është dërguar edhe një autoambulancë. Policia është gjithashtu e pranishme dhe koordinon aktivitetet e saj me autoritetet komunale për të menaxhuar situatën./Lajmi.net/