Veriu i Kosovës ditëve të fundit ka pasur shumë vizitorë.

Padyshim se kthimi i normalitetit të sigurisë në veri ka bërë që shumë qytetarë të shkojnë atje edhe thjeshtë për vizitë.

Por këtë po e bëjnë edhe zyrtarë të shtetit.

Së fundi këtë gjë e bënë ministri i Brendshëm, Xhelal Sveçla, ministri i Administrimit të Pushteit Lokal, Elbert Krasniqi, kryetari i Mitrovicës së Veriut, Erden Atiq si dhe zv/drejtori i Policisë së Kosovës në veri, Veton Elshani.

E bashkë me ta ishte edhe ish-kryetari i Mitrovicës, Agim Bahtiri ii cli edhe publikoi fotografinë e përbashkët.

“Limonada plot shije në sheshin e Veriut të Mitrovicës! Paçi pasdite të mbarë!”, ka shkruar Bahtiri.

Duhet përkujtuar që ministri Sveçla së fundi ka qenë tejet i përmendur për shkak të arratisjeve të shumta që kanë ndodhur nga burgjet e Kosovës.

Madje ai tha se kapja e Faton Hajrizit, i arratisur nga burgu i Smrekonicës është çështje orësh, por ai mbrëmë u lajmërua sërish nga ‘TikToku’ nga ku tha se Sveçla nuk mund të kapë atë./Lajmi.net/